 |
|
കഥാകൃത്ത് ശ്രീ.ശിഹാബുദ്ദീന്‍ പൊയ്ത്തുംകടവ് സ്കൂള്‍ വാര്‍ഷികം ഉദ്ഘാടനം ചെയ്യുന്നു. മുഖ്യപ്രഭാഷകന്‍ ശ്രീ.പെരുന്താറ്റില്‍ ഗോപാലനും വേദിയില്‍ സന്നിഹിതനാണ്.
|
സംസ്കാരസമ്പന്നമായ ഒരുസമൂഹമില്ലാതെ മനുഷ്യന് നിലനില്‍പ്പില്ലെന്നും നിഷേധങ്ങളിലൂടെയും ചോദ്യങ്ങളിലൂടെയുമാണ് ലോകം സമസ്തമേഖലകളിലും വികാസം പ്രാപിച്ചതെന്നും പ്രശസ്ത കഥാകൃത്ത് ശിഹാബുദ്ദീന്‍ പൊയ്ത്തുംകടവ് അഭിപ്രായപ്പെട്ടു. കൂടാളി ഹയര്‍ സെക്കണ്ടറി സ്കൂള്‍ വാര്‍ഷികവും യാത്രയയപ്പ് സമ്മേളനവും ഉദ്ഘാടനം ചെയ്യുകയായിരുന്നു അദ്ദേഹം.
| ഔപചാരിക വിദ്യാഭ്യാസമില്ലാത്ത കല്ലേന്‍ പൊക്കുടന്‍ എന്ന സാധു മനുഷ്യനാണ് സുനാമി ദുരന്തശേഷം ലോകത്തിലെ ശാസ്ത്രജ്ഞരെ പ്രകൃതിസത്യം എന്താണെന്ന് പഠിപ്പിച്ചത്. | 9ാംതരത്തിലെ കുട്ടികള്‍ക്ക് പഠിക്കാനുള്ള "കാട്ടിലേക്കു പോകല്ലേ കുഞ്ഞേ" എന്ന കഥയുടെ രചയിതാവാണ് ശിഹാബുദ്ദീന്‍ |
ചടങ്ങില്‍ മിമിക്രി, മോണോ ആക്ട് ആര്‍ട്ടിസ്റ്റ് പെരുന്താറ്റില്‍ ഗോപാലന്‍ മുഖ്യപ്രഭാഷണം നടത്തി. പിടിഎ പ്രസിഡണ്ട് കെ.രാജന്റെ അധ്യക്ഷതയില്‍ ചേര്‍ന്ന യോഗത്തില്‍ പി.കെ പ്രമീള, വിനീത്.ആര്‍, അനഘ കെ.കെ, സാന്ദ്ര ആനന്ദ്, പി.പി. റഫീഖ് അലി, വിരമിക്കുന്ന ഹെഡ്മിസ്ട്രസ് കെ.എം.മീരാഭായ്, സി.കെ.ജീജ, പി.കെ പത്മജ എന്നിവര്‍ സംസാരിച്ചു. ഡെപ്യൂട്ടി ഹെഡ്മിസ്ട്രസ് സി.പി.ചന്ദ്രിക റിപ്പോര്‍ട്ട് അവതരിപ്പിച്ചു. ഉച്ചയ്ക്ക് ശേഷം വിവിധ മത്സരവിജയികള്‍ക്കുള്ള സമ്മാനദാനവും കുട്ടികളുടെ കലാപരിപാടികളും നടന്നു.