വിദ്യാർത്ഥി സംഗമത്തിൽ താരമായി എ.എസ്.പി പൂങ്കുഴലി ഐ.പി.എസ്സ്.

കൂടാളി ഹയർസെക്കണ്ടറി സ്കൂളിൽ നടന്ന വിദ്യാർത്ഥി സംഗമത്തിൽ എ.എസ്.പി ജി.പൂങ്കുഴലി ഐ.പി.എസ്സ് സംസാരിക്കുന്നു.

വ്യക്തമായ ലക്ഷ്യബോധം, തീവ്രമായ ആഗ്രഹം, ഉറച്ച തീരുമാനം എന്നിവയുണ്ടെങ്കില്‍ ജീവിതവിജയത്തിലേക്ക് എത്തിച്ചേരാമെന്ന് കണ്ണൂര്‍ എ.എസ്.പി. ‍ജി.പൂങ്കുഴലി ഐ.പി.എസ്സ് പറഞ്ഞു. കൂടാളി ഹയര്‍ സെക്കന്‍ഡറി സ്‌കൂളിലെ നാഷണല്‍ സര്‍വീസ് സ്‌കീമിന്റെയും സൗഹൃദ ക്ലബ്ബിന്റെയും സംയുക്ത ആഭിമുഖ്യത്തില്‍ നടന്ന വിദ്യാര്‍ഥിസംഗമത്തില്‍ സംസാരിക്കുകയായിരുന്നു അവര്‍.

പരാജയങ്ങളിലും പ്രതിസന്ധിഘട്ടങ്ങളിലും അടിപതറാതെ സധൈര്യം മുന്നോട്ടുപോകുന്നവര്‍ക്ക് മാത്രം അവകാശപ്പെട്ടതാണ് യഥാര്‍ഥവിജയം -അവര്‍ പറഞ്ഞു. തന്റെ ജീവിത വിജയാനുഭവങ്ങള്‍ പൂങ്കുഴലി വിദ്യാര്‍ഥികളുമായി പങ്കുവെച്ചു. സി.പി.പുഷ്പജ അധ്യക്ഷത വഹിച്ചു. സി.എം.രമ്യ, സ്റ്റാഫ് സെക്രട്ടറി സി.മനീഷ് എന്നിവര്‍ സംസാരിച്ചു.